Sotiraq Hroni është një ish-diplomat shqiptar, këshilltar i Kryeministrit të Shqipërisë (1997) dhe këshilltar i Presidentit të Republikës deri në fund të vitit 1999. Z. Hroni është themeluesi dhe drejtori ekzekutiv i Institutit për Demokraci dhe Ndërmjetësim (IDM), një organizatë joqeveritare që me kalimin e kohës është zhvilluar në një think tank, duke kontribuar aktivisht në reformat dhe proceset e zhvillimit në Shqipëri.

Që nga themelimi i IDM-së, përgjegjësia kryesore e Z. Hroni ka qenë menaxhimi dhe zhvillimi i përgjithshëm i organizatës. Ai ka punuar vazhdimisht për të harmonizuar strategjinë e IDM-së me prioritetet zhvillimore të vendit, për të forcuar organizatën në mënyrë institucionale, si dhe për të ndërtuar një ekip profesionistësh me të njëjtin vizion, të cilët udhëheqin procese të orientuara drejt rezultateve në të gjitha fushat programatike të IDM-së. Aktualisht, IDM operon në pesë fusha kërkimore: Qeverisje, Siguri, BE dhe Ballkani, Hapësira Civile dhe Decentralizimi.

Përmes vizionit të tij, Z. Hroni ka udhëhequr përpjekjet për rritjen dhe krijimin e një identiteti të bazuar në meritë për IDM-në në sektorin e shoqërisë civile, si në Shqipëri ashtu edhe në rajon. Ai ka ndërtuar gjithashtu bashkëpunime dhe partneritete efikase me institucione publike dhe private, të cilat janë forcuar dhe zgjeruar me kalimin e viteve. Falë këtyre përpjekjeve, IDM gëzon sot një reputacion të besueshëm dhe të spikatur në shoqërinë shqiptare.

Besjana Kuçi mban pozicionin Menaxhere Projektesh dhe hulumtuese në IDM.

Znj. Kuçi është diplomuar në Master Shkencash në Teori Politike dhe Bachelor në Shkenca Politike në Universitetin e Tiranës.

Gjatë pesë viteve të fundit, ajo ka menaxhuar me sukses projekte mbi integritetin e policisë, forcimin e shoqërisë civile dhe qasjen e sektorit publik ndaj antikorrupsionit.

Fushat e saj të interesit përfshijnë transparencën e institucioneve publike dhe politikat kundër korrupsionit. Gjithashtu, ajo ka përvojë të gjerë në trajnimin e të rinjve për angazhimin qytetar përmes platformave online. Besjana është anëtare e Rrjetit të Alumni-ve të Institutit Suedez.

Romario Shehu është oficer i programit të sigurisë dhe hulumtues, i cili punon në programe dhe projekte të lidhura me sigurinë. Puna e tij përqendrohet tek qeverisja e sektorit të sigurisë, ekstremizmi i dhunshëm, krimi i organizuar dhe politika e jashtme.

Ai zotëron diplomë pas-universitare të shkencave në Marrëdhënie Ndërkombëtare nga Universiteti i Tiranës dhe diplomë universitare në Shkenca Politike dhe Marrëdhënie Ndërkombëtare nga Universiteti Epoka. Ai zotëron gjuhën shqipe, angleze dhe turke.

Romario ka qenë pjesë e Programit Ndërkombëtar të Vizitorëve Udhëheqës (IVLP) në Shtetet e Bashkuara; Aspen Fellow – Alumni i Programit 2023 të Aspen Romania; dhe anëtar i Bordit Këshillimor Ndërkombëtar të United Against Hate në Madison, Wisconsin.

Romario iu bashkua IDM-së në vitin 2016, dhe ka kontribuar në publikimet e mëposhtme:

• Vlerësimi i Ekstremizmit të dhunshëm në Shqipëri 2024: Nxitësit, Format dhe Rreqizet;
• The 2024 Assessment of Violent Extremism in Albania: Drivers, Forms, and Threats;
• Riintegrimi i të dënuarve për vepra që lidhen me ekstremizmin e dhunshëm në Shqipëri: Roli i formimit profesional;
• Një libër i zi për grupet e krimit të organizuar në Ballkanin Perëndimor;
• Rusia dhe e Ardhmja e Evropës: Këndvështrime nga Kryeqytetet;
• Hulumtim i mjediseve mundësuese, nxitësve dhe shfaqjes/mos-shfaqjes së ekstremizmit të dhunshëm;
• Indeksi i Qëndrueshmërisë së Organizatave të Shoqërisë Civile për vitin 2020;
• Statusi i Ekstremizmit të Dhunshëm në Shqipëri: Një vlerësim i nxitësve, formave dhe kërcënimeve;
• Obligimet e papërmbushura: Si i qasen qeveritë e Ballkanit Perëndimor krimit të organizuar;
• Rrjetëzimi i përgjigjes së shoqërisë civile ndaj krimit të organizuar në Ballkanin Perëndimor;
• Indeksi i Qëndrueshmërisë së Organizatave të Shoqërisë Civile për vitin 2019;
• Roli i Fesë në Shoqëritë e Ballkanit Perëndimor;
• Ekstremizmi i dhunshëm në Shqipëri;
• Perspektivat Komunitare për Parandalimin e Ekstremizmit të Dhunshëm në Shqipëri;
• Ri-konsiderimi i rolit të shoqërisë civile dhe autoriteteve fetare në ndërtimin e qëndresës komunitare në Shqipëri;
• Turqia e gjeneratës së re dhe politika e saj e jashtme në Ballkanin Perëndimor;

Elona Dhëmbo është Profesore e Asociuar në Departamentin e Punës Sociale dhe Politikës Sociale, Universiteti i Tiranës, si dhe Bashkëpunëtore Kërkimore pranë Institutit për Demokraci dhe Ndërmjetësim (IDM). Veprimtaria e saj kërkimore shtrihet në ndërthurjen e politikës sociale, qeverisjes demokratike, migracionit, shoqërisë civile dhe përfshirjes sociale, me fokus të veçantë në hartimin e politikave të bazuara në evidencë dhe reformën e sektorit publik.

Ajo ka përvojë të gjerë në drejtimin dhe zbatimin e projekteve kërkimore dhe të politikave publike në nivel kombëtar dhe ndërkombëtar, të financuara nga Bashkimi Evropian, agjencitë e Kombeve të Bashkuara, Këshilli i Evropës dhe organizata të tjera ndërkombëtare. Puna e saj kombinon metoda kërkimore cilësore dhe sasiore për të prodhuar evidencë të vlefshme për hartimin e politikave në fushat e qeverisjes vendore, pjesëmarrjes qytetare, mbrojtjes sociale, barazisë gjinore, të drejtave të pakicave dhe migracionit.

Dr. Dhëmbo është autore e një numri të konsiderueshëm botimesh në revista shkencore ndërkombëtare me vlerësim nga kolegët (peer-reviewed) dhe në vëllime të redaktuara, si dhe angazhohet rregullisht si vlerësuese, recensuese dhe eksperte kërkimore në programe evropiane dhe ndërkombëtare. Puna e saj aktuale fokusohet në forcimin e qeverisjes demokratike, hartimit pjesëmarrës të politikave dhe zhvillimit social gjithëpërfshirës në Shqipëri dhe në Ballkanin Perëndimor.

Iliada Korçari është hulumtuese dhe koordinatore projektesh në Institutin për Demokraci dhe Ndërmjetësim, ku fokusohet në qeverisje dhe studime rajonale. Interesat e saj kryesore kërkimore janë nacionalizmi, ndërtimi i shtetit dhe mendimi modern e bashkëkohor.

Ajo ka punuar për disa vite në sektorin e politikave kulturore në administratën publike, ka qenë e angazhuar si kërkuese e pavarur në projekte të ndryshme kërkimore dhe që nga viti 2015 ka dhënë seminare mbi Nacionalizmin dhe Identitetin në Universitetin e Tiranës, Departamenti i Shkencave Politike.

Iliada ka përfunduar studime të dyfishta në Shkenca Politike dhe Marrëdhënie me Publikun dhe Komunikim, si dhe është diplomuar në Master Shkencash në Teori Politike dhe në Studime Ruse dhe të Evropës Lindore, duke qenë fituese e shumë bursave.

Ajo zotëron gjuhët shqip (amtare), anglisht, italisht dhe spanjisht në nivel të avancuar, frëngjisht në nivel të pavarur dhe gjermanisht e bullgarisht në nivel bazë.

Publikime të përzgjedhura:

• Korçari, I. 2010, Feb 10. Kosova si kampi ku gjendja e jashtëzakonshme është bërë e zakonshme [Kosova as the camp where the state of exception has become normal]. Gazeta 5(18), 4-5.
• Korçari, I. 2009, Nov 18. Dimensioni spektakolar i politikës sot: Çështja “Marubi” [The spectacular dimension of politics now days: the Marubi Affair]. Gazeta (8), 14-15.
• Korçari, I. 2007. A e zgjidhin kuotat çështjen e përfaqësimit? [Do quotas solve the question of representation?]. Gaja (3).

Adelina Ormeni është një menaxhere me përvojë në financë dhe kontabilitet si dhe specialiste e taksave, me mbi 18 vite eksperiencë në sektorët privatë të biznesit, duke përfshirë shërbimet profesionale, reklamimin, shërbimet juridike dhe tregtinë. Ajo është eksperte në raportimin financiar, tatimet dhe konsulencën financiare.

Që nga dhjetori 2024, ka zgjeruar karrierën e saj në organizata jofitimprurëse, duke punuar në IDM, ku vazhdon të shfrytëzojë ekspertizën e saj financiare duke kontribuar në iniciativa të rëndësishme për komunitetin. Roli i saj i mundëson të sjellë aftësitë e saj në menaxhimin strategjik financiar në sektorin jofitimprurës, duke mbështetur operacionet e orientuara nga misioni me saktësi dhe përkushtim.

Përpara se të kalonte në fushën e OJF-ve, Adelina ka punuar si menaxhere e pavarur e financës dhe kontabilitetit, si dhe specialiste e taksave, duke ndihmuar ndërmarrjet e vogla dhe të mesme me raportet financiare, pasqyrat vjetore financiare, bilancet dhe përputhshmërinë me tatimet. Ajo gjithashtu ka ofruar konsulencë të personalizuar financiare dhe kontabël për sektorë të ndryshëm, si mirëqenia, restorantet dhe agjencitë e reklamave.

Adelina është diplomuar në Universitetin e Ekonomisë në degën e Financës dhe ka avancuar më tej kualifikimet e saj duke ndjekur kursin për Kontabilist të Çertifikuar Publik (CPA) pranë Institutit të Kontabilistëve të Çertifikuar Publik nën Ministrinë e Financave. Ajo zotëron aftësi të larta teknike në MS Office, ALPHA Business, Financa 5 dhe QuickBooks, duke sjellë një nivel të lartë profesionalizmi në ekspertizën e saj financiare.

Flet rrjedhshëm gjuhën shqipe, angleze dhe italiane. Adelina është e njohur për qartësinë e saj në komunikim dhe aftësitë e saj për zgjidhjen e problemeve. Përkushtimi i saj ndaj ekselencës dhe pasioni për konsulencën financiare vazhdojnë të jenë forca lëvizëse e suksesit të saj si një këshilltare e besuar financiare dhe kontabël.