Sotiraq Hroni është një ish-diplomat shqiptar, këshilltar i Kryeministrit të Shqipërisë (1997) dhe këshilltar i Presidentit të Republikës deri në fund të vitit 1999. Z. Hroni është themeluesi dhe drejtori ekzekutiv i Institutit për Demokraci dhe Ndërmjetësim (IDM), një organizatë joqeveritare që me kalimin e kohës është zhvilluar në një think tank, duke kontribuar aktivisht në reformat dhe proceset e zhvillimit në Shqipëri.

Që nga themelimi i IDM-së, përgjegjësia kryesore e Z. Hroni ka qenë menaxhimi dhe zhvillimi i përgjithshëm i organizatës. Ai ka punuar vazhdimisht për të harmonizuar strategjinë e IDM-së me prioritetet zhvillimore të vendit, për të forcuar organizatën në mënyrë institucionale, si dhe për të ndërtuar një ekip profesionistësh me të njëjtin vizion, të cilët udhëheqin procese të orientuara drejt rezultateve në të gjitha fushat programatike të IDM-së. Aktualisht, IDM operon në pesë fusha kërkimore: Qeverisje, Siguri, BE dhe Ballkani, Hapësira Civile dhe Decentralizimi.

Përmes vizionit të tij, Z. Hroni ka udhëhequr përpjekjet për rritjen dhe krijimin e një identiteti të bazuar në meritë për IDM-në në sektorin e shoqërisë civile, si në Shqipëri ashtu edhe në rajon. Ai ka ndërtuar gjithashtu bashkëpunime dhe partneritete efikase me institucione publike dhe private, të cilat janë forcuar dhe zgjeruar me kalimin e viteve. Falë këtyre përpjekjeve, IDM gëzon sot një reputacion të besueshëm dhe të spikatur në shoqërinë shqiptare.

Rovena Sulstarova është Menaxhere e Programit të Qeverisjes. Gjithashtu, ajo është eksperte ligjore në IDM, duke ofruar asistencë për projekte të lidhura me legjislacionin dhe sistemin gjyqësor.

Përvoja e saj profesionale përfshin pozicione drejtuese në administratën publike dhe institucione arsimore, si dhe në menaxhimin e projekteve dhe programeve të financuara nga donatorë në fushën e arsimit. Ajo ka mbajtur pozicione të larta në administratën publike, duke përfshirë Zyrën e Kryeministrit dhe Ministrinë e Arsimit dhe Shkencës. Rovena ka qenë anëtare e Këshillit Administrativ të Universitetit të Tiranës dhe ka dhënë leksione mbi ligjin dhe arsimin në universitete publike dhe private. Aktualisht, ajo jep mësim mbi ligjin dhe politikat arsimore në Fakultetin e Shkencave Sociale të Universitetit të Tiranës.

Rovena është diplomuar në Master Shkencor në Drejtësi dhe master në Studime Evropiane në Universitetin e Tiranës. Ajo ka përfunduar doktoraturën në fushën e arsimit po në Universitetin e Tiranës dhe mban titullin avokate nga Dhoma e Avokatisë së Shqipërisë.

Ajo flet rrjedhshëm anglisht dhe italisht dhe ka njohuri bazë të gjuhës gjermane.

Publikime të përzgjedhura:

Vurmo, Gj., Sulstarova, R & Dafa, A. (2021) “Deconstructing State capture in Albania: an examination of the Grand Corruption cases and Tailor-Made laës from 2008 to 2020”’.

Transparency International; https://www.transparency.org/en/publications/deconstructing-state-capture-in-albania-an-examination-of-grand-corruption-cases-and-tailor-made-laws-from-2008-to-2020

Sulstarova, R, Kasmi, J. (2021) “’Guarding the guardians: parliamentary oversight of independent institutions in Albania”’. Institute for Democracy and Mediation. https://idmalbania.org/guarding-the-guardians-parliamentary-oversight-of-independent-institutions-in-albania/

Sulstarova,R.., Kuci, B., and Agolli, M.(2021) “”Corruption and Integrity in Albania state police 3:00” Tirana :IDM. https://idmalbania.org/report-police-integrity-and-corruption-in-albania-3-0/

Sulstarova, R (2020) “’Integrity Risk Methodology for the Central Government”. Tirana: IDM. https://idmalbania.org/ëp-content/uploads/2021/01/Police-Integrity-Report_3.pdf

Sulstarova,R.., Xhaho, A., and Agolli, M.(2020). Monitoring Report on Police Vetting Process. Tirana: IDM

Sulstarova, R (2017) “Implementation of Bologna Process in Albania 2007-2015” Mediterranean Journal of Social Sciences, 8 (5): 53-59.

Sulstarova,R.., Kuci, B., Qirjazi, R and Agolli, M.(2019). “Report on assessment of state police ethics and integrity” ’. Institute for democracy and Mediation. https://idmalbania.org/assessment-report-on-state-police-ethics-and-integrity-june-2019/

Aliaj, Besnik & Sulstarova Rovena (2008) “Një platformë për edukimin politik në Shqipëri” ( A platform on political education in Albania). Tirana: Institute for Democracy and Reforms.

Sulstarova, R. (2012). The Legal Reform in Higher Education Facing the Exigencies of Albanian Society, Social Studies 6 (3): 75-82.

Denisa Shabani është Shefe e Departamentit të Financës dhe Administratës në Institutin për Demokraci dhe Ndërmjetësim (IDM) dhe menaxhon buxhetin e projekteve sipas të të pesë programeve ku IDM operon.

Para se t’i bashkohej IDM-së, ajo ka punuar në fushën e financës që nga tetori 2007 në organizata ndërkombëtare si UNDP Albania dhe UN Women, si Program Finance Associate. Ajo është një përdoruese eksperte e sistemit financiar ATLAS dhe kjo eksperiencë i ka mundësuar një njohuri të gjerë në menaxhimin financiar të programeve, planifikimin e projekteve, buxhetimin, vlerësimin dhe monitorimin, si dhe përgatitjen e pasqyrave financiare tremujore.

Përgjegjësitë e saj përfshijnë certifikimin e transaksioneve për saktësi dhe rregullshmëri përpara dorëzimit për miratim, analizën dhe interpretimin e rregullave financiare, si dhe ofrimin e këshillave dhe rekomandimeve për një gamë të gjerë çështjesh financiare.

Ajo ka asistuar në 7 projekte të financuara nga BE, Programin Rajonal të Promovimit të Kërkimeve të financuar nga Universiteti i Fribourgut, projekte monitorimi dhe decentralizimi të financuara nga Ambasada Zvicerane në Tiranë, si dhe projekte rajonale të financuara nga SNSF, USAID, UNDP, BTD, Berghof Foundation, etj.

Denisa ka përfunduar studimet Bachelor dhe Master në Administrim Biznesi.

Besjana Kuçi mban pozicionin Menaxhere Projektesh dhe hulumtuese në IDM.

Znj. Kuçi është diplomuar në Master Shkencash në Teori Politike dhe Bachelor në Shkenca Politike në Universitetin e Tiranës.

Gjatë pesë viteve të fundit, ajo ka menaxhuar me sukses projekte mbi integritetin e policisë, forcimin e shoqërisë civile dhe qasjen e sektorit publik ndaj antikorrupsionit.

Fushat e saj të interesit përfshijnë transparencën e institucioneve publike dhe politikat kundër korrupsionit. Gjithashtu, ajo ka përvojë të gjerë në trajnimin e të rinjve për angazhimin qytetar përmes platformave online. Besjana është anëtare e Rrjetit të Alumni-ve të Institutit Suedez.

Romario Shehu është oficer i programit të sigurisë dhe hulumtues, i cili punon në programe dhe projekte të lidhura me sigurinë. Puna e tij përqendrohet tek qeverisja e sektorit të sigurisë, ekstremizmi i dhunshëm, krimi i organizuar dhe politika e jashtme.

Ai zotëron diplomë pas-universitare të shkencave në Marrëdhënie Ndërkombëtare nga Universiteti i Tiranës dhe diplomë universitare në Shkenca Politike dhe Marrëdhënie Ndërkombëtare nga Universiteti Epoka. Ai zotëron gjuhën shqipe, angleze dhe turke.

Romario ka qenë pjesë e Programit Ndërkombëtar të Vizitorëve Udhëheqës (IVLP) në Shtetet e Bashkuara; Aspen Fellow – Alumni i Programit 2023 të Aspen Romania; dhe anëtar i Bordit Këshillimor Ndërkombëtar të United Against Hate në Madison, Wisconsin.

Romario iu bashkua IDM-së në vitin 2016, dhe ka kontribuar në publikimet e mëposhtme:

• Vlerësimi i Ekstremizmit të dhunshëm në Shqipëri 2024: Nxitësit, Format dhe Rreqizet;
• The 2024 Assessment of Violent Extremism in Albania: Drivers, Forms, and Threats;
• Riintegrimi i të dënuarve për vepra që lidhen me ekstremizmin e dhunshëm në Shqipëri: Roli i formimit profesional;
• Një libër i zi për grupet e krimit të organizuar në Ballkanin Perëndimor;
• Rusia dhe e Ardhmja e Evropës: Këndvështrime nga Kryeqytetet;
• Hulumtim i mjediseve mundësuese, nxitësve dhe shfaqjes/mos-shfaqjes së ekstremizmit të dhunshëm;
• Indeksi i Qëndrueshmërisë së Organizatave të Shoqërisë Civile për vitin 2020;
• Statusi i Ekstremizmit të Dhunshëm në Shqipëri: Një vlerësim i nxitësve, formave dhe kërcënimeve;
• Obligimet e papërmbushura: Si i qasen qeveritë e Ballkanit Perëndimor krimit të organizuar;
• Rrjetëzimi i përgjigjes së shoqërisë civile ndaj krimit të organizuar në Ballkanin Perëndimor;
• Indeksi i Qëndrueshmërisë së Organizatave të Shoqërisë Civile për vitin 2019;
• Roli i Fesë në Shoqëritë e Ballkanit Perëndimor;
• Ekstremizmi i dhunshëm në Shqipëri;
• Perspektivat Komunitare për Parandalimin e Ekstremizmit të Dhunshëm në Shqipëri;
• Ri-konsiderimi i rolit të shoqërisë civile dhe autoriteteve fetare në ndërtimin e qëndresës komunitare në Shqipëri;
• Turqia e gjeneratës së re dhe politika e saj e jashtme në Ballkanin Perëndimor;

Adelina Ormeni është një menaxhere me përvojë në financë dhe kontabilitet si dhe specialiste e taksave, me mbi 18 vite eksperiencë në sektorët privatë të biznesit, duke përfshirë shërbimet profesionale, reklamimin, shërbimet juridike dhe tregtinë. Ajo është eksperte në raportimin financiar, tatimet dhe konsulencën financiare.

Që nga dhjetori 2024, ka zgjeruar karrierën e saj në organizata jofitimprurëse, duke punuar në IDM, ku vazhdon të shfrytëzojë ekspertizën e saj financiare duke kontribuar në iniciativa të rëndësishme për komunitetin. Roli i saj i mundëson të sjellë aftësitë e saj në menaxhimin strategjik financiar në sektorin jofitimprurës, duke mbështetur operacionet e orientuara nga misioni me saktësi dhe përkushtim.

Përpara se të kalonte në fushën e OJF-ve, Adelina ka punuar si menaxhere e pavarur e financës dhe kontabilitetit, si dhe specialiste e taksave, duke ndihmuar ndërmarrjet e vogla dhe të mesme me raportet financiare, pasqyrat vjetore financiare, bilancet dhe përputhshmërinë me tatimet. Ajo gjithashtu ka ofruar konsulencë të personalizuar financiare dhe kontabël për sektorë të ndryshëm, si mirëqenia, restorantet dhe agjencitë e reklamave.

Adelina është diplomuar në Universitetin e Ekonomisë në degën e Financës dhe ka avancuar më tej kualifikimet e saj duke ndjekur kursin për Kontabilist të Çertifikuar Publik (CPA) pranë Institutit të Kontabilistëve të Çertifikuar Publik nën Ministrinë e Financave. Ajo zotëron aftësi të larta teknike në MS Office, ALPHA Business, Financa 5 dhe QuickBooks, duke sjellë një nivel të lartë profesionalizmi në ekspertizën e saj financiare.

Flet rrjedhshëm gjuhën shqipe, angleze dhe italiane. Adelina është e njohur për qartësinë e saj në komunikim dhe aftësitë e saj për zgjidhjen e problemeve. Përkushtimi i saj ndaj ekselencës dhe pasioni për konsulencën financiare vazhdojnë të jenë forca lëvizëse e suksesit të saj si një këshilltare e besuar financiare dhe kontabël.

Anila Salianji është Menaxhere Projekti për projektin “SMART Balkans” dhe hulumtuese në fushën e qeverisjes, transparencës dhe antikorrupsionit. Ajo është angazhuar për disa vite në sektorin e shoqërisë civile, duke kontribuar në projekte të ndryshme që lidhen me të rinjtë, sistemin arsimor dhe menaxhimin e financave publike.

Para se t’i bashkohej IDM-së, Anila ka punuar si asistente kërkimore në Qendrën Shqiptare për Kërkime Ekonomike dhe ka qenë e angazhuar si Analiste e Politikave Publike në fushën e ekonomisë dhe financave në organizatën Qëndresa Qytetare.

Ajo është diplomuar në Financë në Universitetin e Tiranës dhe ka ndjekur disa kurse mbi Studimet Evropiane dhe integrimin e Ballkanit Perëndimor në BE.

Gjuhët: Shqip (amtare), anglisht (rrjedhshëm) dhe frëngjisht (nivel bazë).