Vendi: Hotel Bleart, Durrës, Shqipëri
Data: 24-26 maj 2017
IDM Albania, në kuadër të projektit WeBER dhe në bashkëpunim me Visegrad Fund, organizoi seminarin tre-ditor për OShC-të “Monitorimi efektiv i politikave publike” në 24-26 maj 2017 në Durrës.
Qëllimi i këtij seminari ishte forcimi i kapaciteteve të rreth 40 organizatave të shoqërisë civile përmes zgjerimit të njohurive të tyre mbi Reformën në Administratën Publike (RAP) dhe qasjes së WeBER për procesin e monitorimit nga shoqëria civile, si dhe ndarjes së praktikave të susksesshme të organizatave studimore në Bashkimin Europian (përfshirë dhe vendet e Vishegradit (V4)) në monitorimin e politikave publike.
Gjatë seminarit, u formalizua edhe Grupi Kombëtar i Punës (GKP) për monitorimin e Reformës së Administratës Publike në Shqipëri. GPK është një mekanizëm konsultativ në nivel 
kombëtar për pjesëmarrjen e shoqërisë civile në dialogun me institucionet publike relevante për monitorimin e RAP. GKP mbledh një rrjet të gjërë organizatash të shoqërisë civile për të marrë pjesë në diskutimet dhe konsultimet për procesin e monitorimit të reformës dhe adresimin e çështjeve relevante për Shqipërinë. GPK do të funksionojë në përputhje me dokumentin konstituiv (Memorandumin e Bashkëpunimit), si dhe planin e punës dhe udhërrëfyesit që do të hartohen dhe miratohen në vijim. Në Shqipëri, rolin e koordinatorit të GKP e ka Instituti për Demokraci dhe Ndërmjetësim.
Projekti WeBER financohet nga Bashkimi Europian dhe bashkë-financohet nga Mbretëria e Holandës.
Folës: Gjergji Vurmo, IDM, Drejtor i Programeve
Aleka Papa, IDM, Hulumtuese
Corina Stratulat, EPC, Analiste e Lartë Politikash
Milena Lazarević, CEP, Drejtore e Programeve
Artela Mitrushi, IDM, Menaxhere Projekti
#EU_WeBER
Qëndroni të lidhur
Regjistrohu në bazën e të dhënave tona të kontakteve
Lorem ipsum dolor sit amet, consectetur adipiscing elit. Curabitur maximus non dui non consectetur. Sed luctus suscipit sapien eu feugiat. Phasellus porttitor interdum neque, sit amet consectetur ex lobortis id. Vivamus finibus congue viverra. Nunc tempus ipsum tortor, id efficitur dolor molestie sit amet.
