Dhjetor 2021 – Në këtë dokument, argumentojmë se Parlamenti i Shqipërisë, në cilësinë e tij si mbikëqyrës i ekzekutivit dhe institucioneve të pavarura, duhet të luajë një rol më aktiv duke i ushtuar presion ekzekutivit për t’iu përgjigjur rekomandimeve të nxjerra nga institucionet e pavarura që kontribuojnë në qeverisjen e mirë dhe mbrojtjen e interesit publik. Për të shqyrtuar me imtësi marrëdhëniet mes Parlamentit dhe institucioneve të pavarura do të ishte e dobishme që fillimisht të bëhej dallimi mes (1) zbatimit të rekomandimeve të nxjerra nga institucionet e pavarura për ekzekutivin; dhe (2) zbatimit të rekomandimeve të nxjerra nga Parlamenti për institucionet e pavarura. Hulumtimi ynë përfshin kryesisht periudhën pas krijimit të mekanizmit të përbashkët ndërinstitucional dhe përqendrohet në një kampion prej katër nga 21 institucione të pavarura në Shqipëri.
Institucionet e zgjedhura janë Kontrolli i Lartë i Shtetit (KLSH), Avokati i Popullit, Komisioneri për të Drejtën e Informimit dhe Mbrojtjen e të Dhënave Personale (KDIMDHP) dhe Komisioneri për Mbrojtjen nga Diskriminimi (KMD). U zgjodhën këto institucione të pavarura, sepse ato mbulojnë fusha të rëndësishme me interes publik, si menaxhimi i financave publike dhe të drejtat e njeriut. Këto institucione janë edhe nga më të konsoliduarat dhe më pranë publikut, duke qenë se rekomandimet apo raportet e tyre shpesh i komunikohen publikut nëpërmjet medias.
Klikoni për të shkarkuar dokumentin e politikave në anglisht dhe shqip.
Ky dokument u përgatit nga Instituti për Demokraci dhe Ndërmjetësim, me mbështetjen e Fondacionit Hanns Seidel Shqipëri. Çdo qëndrim apo opinion i shprehur në këtë projekt është i organizatës zbatuese dhe nuk përfaqësojnë domosdoshmërisht ato të Fondacionit.
Qëndroni të lidhur
Regjistrohu në bazën e të dhënave tona të kontakteve
Lorem ipsum dolor sit amet, consectetur adipiscing elit. Curabitur maximus non dui non consectetur. Sed luctus suscipit sapien eu feugiat. Phasellus porttitor interdum neque, sit amet consectetur ex lobortis id. Vivamus finibus congue viverra. Nunc tempus ipsum tortor, id efficitur dolor molestie sit amet.
