Botimi i pestë “Besimi Publik – Sfidë për Policinë” vjen pas Konferencës Kombëtare me të njëjtin titull që synonte përmbledhjen e aktivitetit njëvjeçar të realizuar në bashkëpunim me Policinë e Shtetit në nivel kombëtar e njëkohësisht me shumë institucione të tjera në nivel vendor. Çështjet kryesore të kësaj sipërmarrjeje përcillen edhe nëpërmjet botimit, por, si drejtues i këtij programi, në këtë prezantim do të desha të ndalesha në disa nga çështjet më kryesore të aktivitetit dhe të objektivave e koncepteve bazë të tij.
