Të rinj, përfaqësues të komuniteteve fetare, përfaqësues të shkollave të mesme në Tiranë, prindër, pedagogë, artistë, gazetarë, aktivistë të shoqërisë civile diskutuan së bashku dhe ndanë ide në mbrëmjen e organizuar nga IDM, me temë “Zëra të Besueshëm në Parandalimin e Ekstremizmit të Dhunshëm” më 31 maj 2017 tek instalacioni ‘Reja”. Kjo mbrëmje diskutimi u zhvillua në katër panele kryesore:

• Përballja me Ekstremizmin e Dhunshëm – Sfidat dhe angazhimet
• Aktorë të rëndësishëm në parandalimin e ekstremizmit të dhunshëm në shkolla – Roli i grave, të rinjve, prindërve, mësuesve
• Të flasësh për fenë me të rinjtë
• Përballja me  Ekstremizmin e Dhunshëm nëpërmjet artit

Pjesëmarrësit dhe panelistët e këtij aktiviteti sollën në vëmendje shembuj pozitivë mbi format dhe fushat në të cilat të rinjtë dhe komuniteti mund të angazhohen me qëllim promovimin e vlerave pozitive të shoqërisë. Kjo Mbrëmje Diskutimi u zhvillua në kuadër të projektit “Zëra të Besueshëm në Parandalimin e Ekstremizmit të Dhunshëm” i mbështetur nga Ambasada e ShBA-ve në Tiranë.