Parandalimi i ekstremizmit përmes arsimit lidhet kryesisht me nxitjen e qëndresës personale të nxënësve ndaj ekstremizmit të dhunshëm dhe garancitë që mjediset arsimore të mos shndërrohen në terren “nxitës” për radikalizimin.
IDM ha hartuar Kurrikulën “Identifikimi, trajtimi dhe parandalimi i radikalizimit dhe ekstremizmit të dhunshëm në institucionet arsimore të sistemit parauniversitar” akredituar nga Urdhëri i Pisikologut Vendimin Nr.13 datë 18.05.2023 KEVP.
Kurrikula është hartuar për të lehtësuar procesin e identifikimit, trajtimit dhe parandalimit të radikalizimit dhe ekstremizmit të dhunshëm nga punonjësit e shërbimit psiko-social dhe stafet mbështetëse në institucionet arsimore të sistemit të arsimit parauniversitar.
Kurrikula ka për qëllim të forcojë nivelin e njohurive dhe shprehive profesionale të punonjësve të shërbimit psiko-social mbi:
- identifikimin e shenjave të hershme të sjelljeve të rrezikshme drejt radikalizmit
- dhe procedurat e vlerësimit të nevojave te menjëhershme dhe dytësore të individëve të radikalizuar/të kthyer nga zonat e konfliktit
- teknikat ndihmëse për këshillimin psikologjik
- modalitetet e qasjes në ekip multidisiplinar
- procedurat për hartimin e planit individual të ndërhyrjeve psiko-sociale për trajtimin e problemeve te nxënësit me sjellje radikale
- aktivitet psikoedukuese dhe aktivitetet të tjera individuale ose në grup me qëllim rehabilitimin psikosocial dhe parandalimin e relapsit te individët që shfaqin shenja radikalizmi
Kurrikula është hartuar duke pasur në vëmendje masat e parashikuara në “Strategjinë Ndërsektoriale për Parandalimin e Ekstremizmit të Dhunshëm dhe Luftën kundër Terrorizmit dhe Planin e Veprimit 2022-2025”. Shkarko Kurrikulën.
Kjo kurrikul është hartuar në kuadër të Programit “Riintegrimi i qëndrueshëm në komunitet i shtetasve shqiptarë të kthyer nga Siria”. Ky program po zbatohet në Shqipëri nga Instituti për Demokraci dhe Ndërmjetësim, në bashkëpunim me Observatorin për të Drejtat e Fëmijëve dhe të Rinjve si dhe Qendrën e Gruas për Zhvillim dhe Kulturë, nën koordinimin kombëtar të Qendrës së Koordinimit Kundër Ekstremizmit të Dhunshëm dhe me financim të Fondit Global për Angazhimin dhe Qëndrueshmërinë e Komunitetit (GCERF)