Shqiperia n’Kuvendim
18-21 Nëntor 2021, Hotel Tirana International
Pjesëmarrja me ftesë
Për herë të parë në Shqipëri do të zhvillohet ushtrimi i demokracisë debatuese, falë përpjekjes së Institutit për Demokraci dhe Ndërmjetësim (IDM) në konsultim me Qendrën për Demokraci Deliberative të Universitetit Stanford në SHBA, në kuadër të PACEP. Projekti, i mbështetur financiarisht nga Agjencia Zvicerane për Zhvillim dhe Bashkëpunim (SDC) dhe zbatuar nga NDI – Instituti Kombëtar Demokratik.
Anketimi Deliberativ” – një model i zhvilluar nga Prof. James Fishkin nga Universiteti I Stanford në ShBA- është një përpjekje për të përdorur hulumtimin e opinionit publik në një mënyrë të re dhe konstruktive. Fishkin dhe bashkëpunëtorët e tij Robert C.
Luskin dhe Alice Siu kanë kryer Sondazhe Deliberative në njëzet e katër vende të botës.
Anketimi Deliberativ “Shqipëria n’Kuvendim” është eksperimenti i parë kombëtar ku qytetarët debatojnë për disa nga çështjet kryesore me të cilat përballet vendi. Qëllimi i një eksperimenti të tillë nuk është të arrihet një konsensus në vetvete për cështjet që diskutohen, por të kuptohet se si do të sillej një kampion përfaqësuese për propozime të ndryshme politikash nëse do të kishin mundësinë të informoheshin për to. Një anketimi deliberativ i suksesshëm i ndihmon vendimmarrësit të kuptojnë dhe të dëgjojnë opinionin publik; dhe më pas të rrisin pjesëmarrjen e qytetarëve në vendimmarrje dhe reflektimin e interesave të tyre në vendim.