Gjergji Vurmo është Studiues i Lartë për qeverisjen, antikorrupsionin dhe zgjerimin e BE. Ai është autor i shumë studimeve të IDM dhe raporteve lidhur me zhvillimin e shoqërisë civile, qeverisjen dhe anti-korrupsionin, procesin e anëtarësimit në BE, bashkëpunimin nw vendet e Ballkanit Perëndimor si dhe çështje të sigurisë që lidhen me radikalizmin dhe ekstremizmin e dhunshëm.
Vurmo ka qenë anëtar në bordin drejtues të rrjeteve të ndryshme të instituteve kërkimore në rajonin e EJL (PASOS, BCSDN) dhe është kontributor për instutitucione të ndryshme kërkimore si Center for European Policy Studies – CEPS Brussels, Balkans in Europe Policy Advisory Group – BiEPAG, OnThinkTanks, etj. Ai ka monitoruar dhe raportuar raporte të njohura globale për Shqipërinë si “Partneriteti i Hapur Qeveritar” (2013-2018), “Indeksi i Qëndrueshmërisë” nga USAID (2010-2013), Raporti “Parlamente të Hapura 2012” dhe “Kombe në Tranzicion” të Freedom House (2018 – 2020). Përpara punës në IDM, Z. Vurmo është angazhuar më think tanks të ndryshëm në rajonin e Ballkanit Perëndimor për shtatë vjet.
Gjergji ka studiuar drejtësi në Universitetin Ss. Cyril and Methodius në Shkup dhe zotëron diplomën e masterit për studime Evropiane nga Universiteti i Bolonjës, Itali.
Gjergji flet rrjedhshëm Shqip, Anglisht dhe Maqedonisht(C2), Frengjisht dhe Italisht (B2), Serbisht dhe gjuhën Kroate (B1).
Publikime:
- Zbërthimi i kapjes së shtetit në Shqipëri 2008-2020 (IDM, 2021, bashkëautorë Rovena Sulstarova dhe Alban Dafa)
- Dokument politikash | Lufta kundër pastrimit të parave – Roli i shoqërisë civile (IDM, 2021)
- Ekstremizmi i dhunshëm (IDM, 2018)
- Toleranca Fetare në Shqipëri (IDM, 2018)
- Radikalizmi fetar dhe ekstremizmi i dhunshëm në Shqipëri (IDM 2015)
- Interest groups and EU accession (IDM 2011)
- Indeksi i Shoqërisë Civile për Shqipërinë (IDM, 2010)
- Ëndrra e Ballkanit Perëndimor për në BE: Ambicia kërkon një proces të ri (CEPS, 2018)
- Raporti i Progresit të Shqipërisë për Partneritetin e Qeverisë së Hapur (IRM, 2017)
- Zhvillimi i një ekspertize: Përvojë e dorës së parë me fondet thelbësore (OnThinkTanks 2014)
- Ku po gabojnë donatorët, shteti dhe shoqëria civile? (IDM 2013)
- Shoqëria civile dhe aderimi në BE – Kalimi përtej praktikës së “plotësimit të kutive”(IDM 2013)
- Mundësia troket: A mundet BE të ndihmojë Shqipërinë për të ndihmuar veten e saj? (EPC 2012, bashkëautore Corina Stratulat)