Partneritete

Programet tona bazohen në partneritete, ato udhëzohen prej parimeve të partneritetit të IDN dhe mbështesin strategjinë e partneritetit të IDN. Zhvillimi i modeleve të reja të partneritetit që janë të përshtatshme për Shqipërinë, do të vazhdojë të konsiderohet si prioriteti ynë investues.

Strategjia e IDN në Shqipëri përqendrohet rreth vullnetit organizues – që demonstrohet në kuadrin strategjik të IDN – për t’u angazhuar në partneritete strategjike dhe vizionare me një sërë organizatash dhe institucionesh, edhe për të nxitur marrëdhënie të reja edhe për të plotësuar standardet e modeleve të avokimit që sigurojnë ndryshime politikash strukturore dhe sistemike. Vëmendje e veçantë do t’i kushtohet vendosjes së lidhjeve me organizata, rrjete dhe institucione për luftën kundër korrupsionit, siç janë anëtarët e Koalicionit Anti-Korrupsion.

Gjatë veprimtarive të tij, IDN ka organizuar fushata të suksesshme të ngritjes së fondeve në sektorin privat, veçanërisht sipërmarrjet vendore. Këta partneritete nuk synojnë vetëm te financimet e veprimtarive, por edhe te krijimi i një ndjenje të zotërimit të nismave vendore, te nxitja e filantropisë vendore dhe demonstrimi i potencialeve për partneritete të suksesshme midis publikes dhe privates, që është një parim i punës së IDN.

Para IDN shfaqen mundësi të reja për të ripërcaktuar dhe forcuar marrëdhëniet e saj ekzistuese dhe për të zhvilluar të reja.