Vizioni

Vizioni ynë është një Shqipëri me institucione më të forta dhe të shëndosha demokratike dhe me një vetëdije publike të zhvilluar dhe pjesëmarrje të gjerë të qytetarëve.

Misioni

IDN është themeluar nga një grup intelektualësh shqiptarë me dëshirën dhe përkushtimin për të adresuar, me anë të ndërmjetësimit midis institucioneve, komunitetit dhe grupeve, problemet me të cilat përballet demokracia shqiptare.

Struktura organizative  

Ekipi i IDN përbëhet nga një grup i kualifikuar dhe i përkushtuar në hartim, zbatim dhe menaxhim programi, të orientuar për nga cilësia dhe qëndrueshmëria e  ndikimit të programit.

Skema organizative

Stafi i IDN

Z. Sotiraq HRONI – Drejtor Ekzekutiv

Z. Gjergji VURMO – Drejtor Programesh

Znjsh. Erisa ÇELA – Menaxher Programi (Qeverisja Vendore & Mobilizim Komuniteti)

Znj. Rovena SORRA – Koordinator Programi

Z. Artan KARINI – Studiues

Znj. Mariola Qesaraku - Asistente Programi

Znj. Voltana ADEMI – Koordinator i IDN

DR. Giovanni ERCOLANI – Përfaqësues i UNITARPOCI pranë IDN

Admin. & Financa

Znj. Brixhilda HALILAJ – Menaxher Financash

Z. Tonin GOSHI – Mbështetje admin.

Z. Eduart CANI – Administrator IT

Këshilltarë dhe konsulentë të IDN

Gjen. Lt. Pellumb QAZIMI – Këshilltar për çështje të sigurisë

Dr. Arshi CELA (PhD) - Këshilltar për çështje të sigurisë

Znj. Nevila SOKOLI-XHINDI – Konsulente (ish-pjesëtare e stafit të IDN)

Z. Kadri GEGA - Ekspert për çështje të decentralizimit

Znjsh. Albana SPIRO – Konsulente për çështje të zhvillimit institucional

Z. Tomi TRESKA - Ekspert për çështje të mobilizim të komunitetit

Znj. Floreta LULI / FABER – Eksperte e sektorit të biznesit

Z. Zyher BECI – Ekspert për çështje të pushtetit vendor

Z. Arjan Dyrmishi - Ekspert për çështje të sigurisë

Fushat kryesore programatike të IDN janë:

• Qeverisja e sektorit të sigurisë

• Qeverisja vendore dhe pjesëmarrja e komunitetit

• Promovimi i llogaridhënies dhe transparencës të qeverisjes

• Ndërtimi i kapaciteve dhe i aftësive organizuese i institucioneve publike

• Nisma ligjore për përmirësimin e kuadrit ligjor

Në 3-5 vitet e ardhshme, IDN do të fokusohet në drejtimet e mëposhtme:

Rritja e pjesëmarrjes civile me anë të:

 - Nxitjes së pjesëmarrjes/veprimit dhe vullnetarizmit në komunitet me anë të Grupeve me Bazë Komunitare

- Forcimi i kapaciteteve të komuniteteve vendore për zhvillim njerëzor në një shoqëri që kujdeset për të gjitha shtresat me motivin se “asnjëri nuk duhet pas”.

- Zhvillimit të lidhjeve të vetë-qëndrueshme të komunikimit midis qytetarëve dhe institucioneve dhe pjesëmarrjes së qytetarëve në vendim-marrjen dhe transparencën e institucioneve duke institucionalizuar strukturën e ndërlidhësit komunitar.  

 Thellimi i reformave institucionale me anë të:

- Bashkëpunimit me partnerë kombëtarë dhe ndërkombëtarë për të zhvilluar reforma të institucioneve - të zotëruara nga vetë aktorët vendorë – duke identifikuar problemet, rritur vetëdijesimin, përmirësuar kapacitetet dhe zhvilluar rrjete dhe strategji.

- Zhvillimit të mekanizmave efikase për reformat institucionale duke I zgjidhur problemet ekzistuese me qasje si nga poshtë-lartë edhe nga lartë-poshtë. 

- Avokimit për legjislacion të ri apo amendime të legjislacionit ekzistues për përmirësimin e reformave institucionale.

Policimi në komunitet

Një e ardhme e begatë dhe e paqme për vendin kërkon që Shqipëria të vendosë dhe nxisë qëndrime, sjellje dhe praktika që do të përmirësojnë situatën e përgjithshme të sigurisë në vend. IDN do të vazhdojë të zhvillojë dhe të zgjerojë modelet, të themelojë struktura struktura dhe të ndryshojë mendësi në mënyrë që të përmirësojë motivimin, profesionalizmin dhe kredibilitetin publik të institucioneve dhe punonjësve të zbatimit të ligjit. 

Bashkëpunimi rajonal

IDN do të vazhdojë të mbështesë një diapazon të gjerë të nismave për rritjen e mirëbesimit rajonal dhe një ndërveprim të zgjeruar të lidershipit dhe rinisë rajonale në interes të bashkëpunimit ndërkufitar. Projektet rajonale të IDN synojnë thellimin e njohjes, mirëkuptimit dhe bashkëpunimit midis popujve të Evropës Juglindore, zhvillimin e zgjidhjeve të përbashkëta për probleme të njëjta, nxitjen e vlerave të integrimit evro-atlantik dhe lehtësimin e tolerancës ndëretnike dhe ndërfetare, dialogut dhe bashkëpunimit për çështje sociale.

informacione

<< Pas 1 2 3 4 5 6 7 Tjetra >>