SHËRBIMET E QSS

Qendra për Studime të Sigurisë do të punojë për përmbushjen e misionit dhe objektivave të veta nëpërmjet zbatimit të një sere aktiviteteve në lidhje me:

• Kërkime & Studime – QSS do të përpiqet të adresojë boshllëkun midis politikë-bërësve dhe komunitetit akademik nëpërmjet zhvillimit të një kuadri të plotë politikash në funksion të paqes dhe sigurisë. Në këtë kontekst, ekselenca e analizës së multiplicitetit të faktorëve që ndikojnë në zhvillimet e sigurisë kombëtare / rajonale do të përbëjë principin kryesor të QSS.

• Edukimi & Trajnimi – QSS do të kontribuojë drejt konsolidimit të një gjenerate të re ekspertësh, studiuesish, politikëbërësish dhe vendimmarrësish në Shqipëri dhe në rajon, të pajisur me potencialin dhe aftësitë e nevojshme për të adresuar shqetësimet komplekse të sigurisë. Për më tepër, QSS do të synojë të zhvillojë një program bashkëkohor pas-universitar në fushën e sigurisë në Shqipëri, duke iu përgjigjur kështu shqetësimeve që sjellin boshllëqet ekzistuese në këtë fushë.

• Publikime & Informim – QSS do të përmirësojë njohuritë mbi sfidat strategjike të rretheve akademike dhe politikëbërësve në Shqipëri dhe Ballkan nëpërmjet publikimeve dhe raporteve në lidhje me aspekte të ndryshme sigurisë. IDN do të punojë me partnerët e vet ndërkombëtarë, institucionet akademike dhe studimore (think tank) në rajon për të zhvilluar një qendër informacioni e cila do të ofrojë shërbime informacioni online për ekspertët, studiuesit, akademikët etj.

QSS do të nxitë dialog, konsultime dhe bashkëpunim të vazhdueshëm midis rretheve akademike, institucioneve studimore (think tank) dhe politikëbërësve në rajon dhe më gjerë nëpërmjet eventeve të ndryshme kombëtare, rajonale dhe ndërkombëtare si konference, trajnime, shkolla verore dhe seminare.